തിരുവനന്തപുരം . ഇന്സ്റ്റഗ്രാം ഇന്ഫ്ലുവന്സറായ ആദിത്യ നായർ ജീവനൊടുക്കിയ സംഭവത്തില് ആണ്സുഹൃത്ത് പോലീസ് കസ്റ്റഡിയിലായി. തിരുമല, തൃക്കണ്ണാപുരം ഞാലിക്കോണം സ്വദേശിയായ ആദിത്യ നായർ ജീവനൊടുക്കിയ സംഭവത്തിൽ നെടുമങ്ങാട് ഉഴമലയ്ക്കല് സ്വദേശി ബിനോയ് എന്ന യുവാവിനെയാണ് കസ്റ്റഡിയിലെടുത്തത്. ഇയാളുടെ മേൽ പൂജപ്പുര പോലീസ് ആത്മഹത്യാ പ്രേരണാക്കുറ്റം ചുമത്തും.
![](https://i0.wp.com/www.thecrimeonline.com/wp-content/uploads/2024/06/BINOY.jpg?resize=862%2C540&ssl=1)
പെണ്കുട്ടിയും യുവാവും തമ്മില് സ്നേഹബന്ധത്തിലായി രുന്നെന്നും, പെണ്കുട്ടി ഇക്കാര്യം വീട്ടില് പറഞ്ഞിരുന്നതായും എന്നാല് ബിനോയിയുടെ വീട്ടുകാരുമായി ആലോചിച്ച് കാര്യങ്ങള് തീരുമാനിക്കാമെന്നും പഠനത്തില് ശ്രദ്ധിക്കാനും മാതാപിതാക്കള് ഉപദേശിച്ചിരുന്നതായും ആണ് എഫ് ഐ ആറിൽ പറയുന്നത്. രണ്ടു മാസം മുന്പ് പെണ്കുട്ടിയും ബിനോയിയും തമ്മില് പിണങ്ങി. ഇതിന്റെ മനോവിഷമത്തിലാണ് പെണ്കുട്ടി 10-ാം തീയതി രാത്രി വീട്ടില് തൂങ്ങിമരിക്കാന് ശ്രമിക്കുന്നത്. ആത്മഹത്യ ചെയ്യാൻ ശ്രമിക്കുന്നത് അനിയന് കണ്ടതിനെ തുടര്ന്ന് ആശുപത്രിയില് എത്തിക്കുകയായിരുന്നു എന്നും സംഭവത്തെപ്പറ്റി എഫ്ഐആറിൽ പറയുന്നു
തിരുവനന്തപുരം മെഡിക്കല് കോളജ് ആശുപത്രിയില് ഐസിയുവില് ചികിത്സയിൽ ആയിരുന്ന ആദിത്യ നായർ 16 ന് മരിച്ചു. പെണ്കുട്ടിക്കു പ്രായപൂര്ത്തിയാകുന്നതിനു മുന്പു തന്നെ ബിനോയിയുമായി അടുപ്പത്തിലായിരുന്നുവെന്ന് പൊലീസിനു വിവരം കിട്ടിയിട്ടുണ്ട്. പോക്സോ വകുപ്പ് ചുമത്തുന്നതു സംബന്ധിച്ചുള്ള തീരുമാനം ഇതുവരെ ആയിട്ടില്ല. ഇരുവരും സമൂഹമാധ്യമത്തിലൂടെയാണ് പരിചയപ്പെടുന്നത്.
![](https://www.thecrimeonline.com/wp-content/uploads/2021/08/crime-top-logo-1-1.png)