സുരേഷ് ഗോപി തോൽക്കുമെന്ന് പറഞ്ഞ ഷാനി പ്രഭാകരൻ ഒടുവിൽ ‘എട്ടു നിലയിൽ പൊട്ടി’ ട്രോൾ മഴ

തിരുവനന്തപുരം . തൃശൂര്‍ പാര്‍ലമെന്‍റ് മണ്ഡലത്തിലെ സുരേഷ് ഗോപി എട്ടു നിലയിൽ പൊട്ടുമെന്നു പറഞ്ഞ മനോരമന്യൂസിന്റെ വാര്‍ത്താ അവതാരക ഷാനി പ്രഭാകരൻ ഒടുവിൽ ‘എട്ടു നിലയിൽ പൊട്ടിയ’ സംഭവം സാമൂഹ്യ മാധ്യമങ്ങൾ ഏറ്റെടുത്തിരിക്കുകയാണ്. സുരേഷ് ഗോപി തോല്‍ക്കുമെന്ന് ധാര്‍ഷ്ട്യത്തോടെ പ്രവചനം നടത്തിയ ഷാനി പ്രഭാകറിന് സമൂഹമാധ്യമങ്ങളില്‍ ട്രോളോടുട്രോള്‍. തൃശൂരില്‍ സുരേഷ് ഗോപി മൂന്നാമതാകും എന്നാണ് തെരഞ്ഞെടുപ്പിന് മുന്‍പ് നടത്തിയ മനോരമ ന്യൂസിന്റെ സര്‍വ്വേ പ്രവചിക്കുന്നത്.

യുഡിഎഫിന്റെ കെ. മുരളീധരന് 37.53 ശതമാനവും വി.എസ്. സുനില്‍കുമാറിന് 30.72 ശതമാനവും സുരേഷ് ഗോപിയ്‌ക്ക് 29.55 ശതമാനവും വോട്ടുകള്‍ കിട്ടുമെന്നായിരുന്നു മനോരമ പ്രവചനം. മനോരമയും വിഎംആറും ചേര്‍ന്ന് നടത്തിയ എക്സിറ്റ് പോള്‍ പ്രവചനത്തിലായിരുന്നു ഇത് ഉണ്ടായിരുന്നത്. എന്ത് വാർത്തയും ആധികാരികമായി പറയാറുള്ള ഷാനി പ്രഭാകര്‍ തൃശൂര്‍ മുരളീധരന്‍ നിലനിര്‍ത്തും എന്ന് ആധികാരികമായി പ്രഖ്യാപിച്ചത് ട്രോളന്മാരെ ചൊടിപ്പിച്ചിരിക്കുകയാണ്. വി.എസ്. സുനില്‍കുമാറാണ് സുരേഷ് ഗോപിയല്ല തൃശൂരില്‍ രണ്ടാമതെത്തുന്നത് എന്നും ഷാനി പ്രവചിച്ചിക്കുകയുണ്ടായി.

തെരെഞ്ഞെടുപ്പ് ഫലം വരുമ്പോൾ ഷാനി പ്രഭാകറിന്റെ പ്രവചനം തകർന്നടിയുന്ന ഉണ്ടായത്. സുരേഷ് ഗോപി 40,92,39 വോട്ടാണ് പെട്ടിയിലാക്കിയത്. രണ്ടാമതുള്ള എൽഡിഎഫ് സ്ഥാനാർഥി വി എസ് സുനിൽകുമാർ ആവട്ടെ 3,341,60 വോട്ടുകൾ നേടി. കോൺഗ്രസ് സ്ഥാനാർഥി കെ മുരളീധരന് 32,4431 വോട്ടുകളും ലഭിച്ചു. മനോരമ ഒന്നാമത് എത്തുമെന്ന് പറഞ്ഞിരുന്ന മുരളീധരന്‍ മൂന്നാമതെത്തുകയും മൂന്നാമതെത്തും എന്ന് പറഞ്ഞ സുരേഷ് ഗോപി ഒന്നാമതെത്തുകയും ഉണ്ടായി. ഇതാണ് ഷാനിക്കെതിരെ ട്രോളന്മാര്‍ കടന്നാക്രമണം നടത്താന്‍ കാരണമായിരിക്കുന്നത്.

സുരേഷ്ഗോപി തോൽക്കും എന്ന് പറഞ്ഞപ്പോൾ എന്ത് സന്തോഷമാണ് ഷാനിയുടെ മുഖത്ത് എന്നാണ് ട്രോള്‍ വീഡിയോയോട് പ്രതികരിച്ച് കൊണ്ട് ഹരി വിഷ്ണു എന്നയാള്‍ പറഞ്ഞിരിക്കുന്നത്. തെറ്റായ പ്രചാരണം നടത്തിയതിന് മാപ്പ് പറയൂ എന്നും ട്രോള്‍ വീഡിയോ കണ്ട ചില വായനക്കാര്‍ കമന്റ് ബോക്സിൽ ആവശ്യപ്പെടുന്നു. അന്ധമായ ബിജെപി വിരോധം വെച്ച് പുലർത്തുന്ന ഒരു മാധ്യമ സ്ഥാപനവും അതിന്റെ ഒരു ഉത്തമയായ പ്രവർത്തകക്കും നാണമില്ലല്ലോ? എന്നും മറ്റൊരു വായനക്കാരന്‍ പ്രതികരിക്കുന്നു.