ഡൽഹി മുഖ്യമന്ത്രി അരവിന്ദ് കെജ്‌രിവാൾ തീർത്തും കുടുങ്ങി, 100 കോടി കൈക്കൂലി ആവശ്യപ്പെട്ടതായി തെളിവുണ്ടെന്ന് ഇ ഡി കോടതിയിൽ, കസ്റ്റഡി നീട്ടി

ന്യൂഡൽഹി . പിൻവലിച്ച മദ്യനയ കേസിൽ ഡൽഹി മുഖ്യമന്ത്രി അരവിന്ദ് കെജ്‌രിവാൾ 100 കോടി രൂപ കിക്ക്ബാക്ക് ആവശ്യപ്പെട്ടതിൻ്റെ തെളിവുകൾ കൈവശമുണ്ടെന്ന് എൻഫോഴ്‌സ്‌മെൻ്റ് ഡയറക്ടറേറ്റ് റൂസ് അവന്യൂ കോടതിയിൽ. അരവിന്ദ് കെജ്‌രിവാളിൻ്റെ ജുഡീഷ്യൽ കസ്റ്റഡി ജൂലൈ 3 വരെ നീട്ടി ഡൽഹിയിലെ റൂസ് അവന്യൂ കോടതി ബുധനാഴ്ച വിധിച്ചു.

കേസിൽ കള്ളപ്പണം വെളുപ്പിച്ചെന്ന ആരോപണത്തിൽ സമർപ്പിച്ച കുറ്റപത്രം കോടതി പരിഗണിച്ചതായി അഡീഷണൽ സോളിസിറ്റർ ജനറൽ എസ് വി രാജു തുടർന്ന് പറഞ്ഞു. കള്ളപ്പണം വെളുപ്പിക്കൽ കേസിൽ ഡൽഹി മുൻ മന്ത്രി മനീഷ് സിസോദിയ ഉൾപ്പടെയുള്ള പ്രതികളുടെ ജാമ്യാപേക്ഷ തള്ളിയത് കള്ളപ്പണം വെളുപ്പിക്കൽ കുറ്റം കോടതി അംഗീകരിക്കുന്നുവെന്നാണ് വ്യക്തമാക്കിയിരിക്കുന്നതെന്നും സോളിസിറ്റർ ജനറൽ പറഞ്ഞു.

കള്ളപ്പണം വെളുപ്പിക്കലുമായി ബന്ധപ്പെട്ട കോടതിയുടെ അറിവ്, കള്ളപ്പണം വെളുപ്പിക്കൽ കേസാണ് ഇവിടെയുള്ളതെന്ന് പ്രഥമദൃഷ്ട്യാ കോടതിക്ക് ബോധ്യപ്പെട്ടിട്ടുണ്ടെന്ന് തെളിയിക്കുന്നു. സിബിഐ അന്വേഷണത്തിൽ കെജ്‌രിവാൾ 100 കോടി രൂപ കൈക്കൂലി ആവശ്യപ്പെട്ടതായി കണ്ടെത്തി. അറസ്റ്റിന് മുമ്പ് തന്നെ ഞങ്ങൾ തെളിവുകൾ ശേഖരിച്ചിരുന്നു. ഇഡിയെ പ്രതിനിധീകരിച്ച് എഎസ്ജി രാജു പറഞ്ഞു.

വീഡിയോ കോൺഫറൻസിലൂടെയാണ് ഡൽഹി മുഖ്യമന്ത്രിയെ കോടതിയിൽ ബുധനാഴ്ച ഹാജരാക്കിയത്. പിഎംഎൽഎയ്ക്ക് കീഴിൽ സമർപ്പിച്ച ഒരു കുറ്റപത്രത്തിലും എഎപി മേധാവിയുടെ പേര് ഇല്ലെന്ന് കെജ്‌രിവാളിൻ്റെ അഭിഭാഷകൻ വിക്രം ചൗധരി വാദിക്കുകയുണ്ടായി. സിബിഐ സമർപ്പിച്ച എഫ്ഐആറിൽ പോലും കെജ്‌രിവാളിനെ പ്രതി ചേർത്തിട്ടില്ലെന്നും ചൗധരി പറഞ്ഞിരുന്നു.

‘ഇഡി എന്ത് ആരോപണങ്ങൾ ഉന്നയിച്ചാലും, അവർ എന്നെ പിഎംഎൽഎ പ്രകാരമല്ല, സിബിഐ കേസിലാണ് പ്രോസിക്യൂട്ട് ചെയ്യുന്നതെന്ന് തോന്നുന്നു,’ ചൗധരി പറഞ്ഞു. മെയ് 10ന് പുറപ്പെടുവിച്ച ഉത്തരവിൽ കെജ്‌രിവാളിന് കീഴ്‌ക്കോടതിയിൽ ജാമ്യാപേക്ഷ നൽകാമെന്ന് സുപ്രീം കോടതി പറഞ്ഞിരുന്നതായും ചൗധരി ചൂണ്ടിക്കാട്ടി.