‘സി പി എം വീടുകൾക്ക് നേരെ ബോംബെറിയും, ജീവിക്കാൻ അനുവദിക്കുന്നില്ല, ജീവിക്കാൻ ഞങ്ങൾക്കും അവകാശമുണ്ട്’ എരഞ്ഞോളിയിൽ കൂട്ടത്തോടെ നാട്ടുകാർ

തലശ്ശേരി . കണ്ണൂർ എരഞ്ഞോളിയിലെ ബോംബ് നിർമാണത്തിനു പിന്നിൽ സിപിഎമ്മാണെന്ന് നാട്ടുകാർ. സി പി എം ബോംബുകൾ നിർമ്മിച്ച് നാട്ടുകാരെ ജീവിക്കാൻ അനുവദിക്കുന്നില്ലെന്നാണ് നാട്ടുകാർ ആരോപിക്കുന്നത്. നേരത്തേയും എരഞ്ഞോളിയിൽ ബോംബ് കണ്ടെത്തിയിട്ടുണ്ടെന്നും അന്ന് പൊലീസിനെ അറിയിക്കാതെ നീക്കം ചെയ്യുകയായിരുന്നെന്നും കഴിഞ്ഞദിവസം ബോംബ് പൊട്ടി മരിച്ച വേലായുധന്റെ അയൽവാസി സീന സ്ഥലം സന്ദർശിച്ച ഷാഫി പറമ്പിൽ എംപിക്ക് മുൻപാകെ മാധ്യമങ്ങളോടു പറയുകയായിരുന്നു.

‘ആൾ താമസം ഇല്ലാത്ത വീടുകൾ കേന്ദ്രീകരിച്ചാണ് ബോംബ് നിർമാണം നടക്കുന്നത്. പലരും പേടിച്ചാണ് ഇക്കാര്യങ്ങളെല്ലാം പറയുന്നത്. വീടുകൾക്ക് നേരെ ബോംബെറിയും. ജീവിക്കാൻ അനുവദിക്കില്ല. ഭയമില്ലാതെ ജീവിക്കാൻ സാധാരണക്കാരായ ഞങ്ങൾക്കും അവകാശമുണ്ട്’–സീന പറഞ്ഞിരിക്കുന്നു.

നേരത്തേ 3 ബോംബാണ് എരഞ്ഞോളിയിൽനിന്ന് കണ്ടെത്തിയിരുന്നത്. പാർട്ടി പ്രവർത്തകർ അന്ന് പൊലീസിനെ അറിയിക്കാതെ അവ എടുത്തുമാറ്റി. വേലായുധന്റെ മരണത്തോടെയാണ് ഇപ്പോഴെങ്കിലും ഇക്കാര്യം പുറത്തറിയുന്നത് – സീന പറഞ്ഞു. സ്ഥലം സന്ദർശിച്ച ഷാഫി പറമ്പിൽ എംപിയോടും നാട്ടുകാർ ഇക്കാര്യങ്ങൾ അറിയിക്കുകയുണ്ടായി.

എരഞ്ഞോളിയിൽ ബോംബ് സ്ഫോടനത്തിൽ കൊല്ലപ്പെട്ട വേലായുധന്റെ വീട്ടിലെത്തി ഷാഫി പറമ്പിൽ എംപി. 10 പൈസയ്ക്ക് ഗുണമില്ലാത്ത രീതിയിലാണ് ബോംബ് കേസുകളിൽ പോലീസിന്റെ ഇടപെടൽ എന്ന് ഷാഫി കുറ്റപ്പെടുത്തി. മുഖ്യമന്ത്രി പഞ്ച് ഡയലോഗ് പറയാതെ പ്രവർത്തിച്ചു കാണിക്കണം. തലശ്ശേരി എരഞ്ഞോളിയിലെ ബോംബ് സ്പോർട്ണത്തിൽ കുറ്റക്കാർക്ക് എതിരെ കർശനമായി നിയമ നടപടികൾ വേണം – ഷാഫി പറമ്പിൽ അഖ്‌ആവശ്യപ്പെട്ടു.

ബോംബ് പൊട്ടി വയോധികൻ മരിച്ച സംഭവത്തിൽ കൂടുതൽ വെളിപ്പെടുത്തലുകളുമായി വേലായുധന്റെ അയൽവാസി സീന ഇതിനിടെ രംഗത്തെത്തി. പ്രദേശത്ത് ബോംബ് ഉണ്ടാക്കുന്നത് സ്ഥിരമായ കാര്യമാണെന്നും തൊട്ടടുത്ത പറമ്പിൽ നിന്ന് പോലും നേരത്തെ ബോംബുകൾ കണ്ടെടുത്തിട്ടുണ്ടെന്നും പോലീസിനെ അറിയിക്കാതെ സിപിഎം പ്രവർത്തകർ ബോംബ് എടുത്തു മാറ്റിയിട്ടുണ്ടെന്നും, ഭയം മൂലമാണ് പ്രതികരിക്കാതിരുന്നത് എന്നും സീന പറഞ്ഞു. ഇപ്പോൾ മറ്റു നിവർത്തി ഒന്നുമില്ലാതെയാണ് തുറന്നു പറയുന്നത്. ജീവിക്കാൻ അനുവദിക്കണമെന്നാണ് അപേക്ഷ എന്നും ബോംബ് പൊട്ടി മരിക്കാൻ അല്ല ആഗ്രഹം എന്നും ഇത്തരക്കാർക്ക് എതിരെ കർശന നടപടികൾ ഉണ്ടാകണമെന്നും സീന പറഞ്ഞു.