തിരുവനന്തപുരം . മന്ത്രി കെ രാധാകൃഷ്ണന് രാജിവച്ചു. ക്ലിഫ് ഹൗസിലെത്തി മുഖ്യമന്ത്രി പിണറായി വിജയന് രാജി നൽകി. ലോക്സഭയിലേക്ക് തെരഞ്ഞെടുക്കപ്പെട്ട സാഹചര്യത്തിലാണ് രാജി. രാധാകൃഷ്ണന് പകരം മന്ത്രി ആരെന്നത് സിപിഎം നേതൃ യോഗം കൂടി തീരുമാനമെടുക്കും.
നിയമസഭാംഗത്വം രാജിവച്ചുകൊണ്ടുള്ള കത്ത് സ്പീക്കര് എഎന് ഷംസീറിനും നല്കുന്നുണ്ട്. ആലത്തൂര് മണ്ഡലത്തില് നിന്നാണ് രാധാകൃഷ്ണന് ലോക്സഭയിലെത്തിയത്. ലോക്സഭ തെരഞ്ഞെടുപ്പില് കേരളത്തില് സിപിഎം വിജയിച്ച ഏക മണ്ഡലം കൂടിയാണ് ആലത്തൂര്.
സിറ്റിങ് എംപിയായിരുന്ന കോണ്ഗ്രസിന്റെ രമ്യ ഹരിദാസിനെയാണ് സിപിഎം സ്ഥാനാര്ത്ഥി രാധാകൃഷ്ണന് പരാജയപ്പെടുത്തുന്നത്. രാധാകൃഷ്ണന് നിയമസഭാംഗത്വം രാജിവെക്കുന്നതോടെ ചേലക്കരയില് ഉപതെരഞ്ഞെടുപ്പ് നടക്കും. കോണ്ഗ്രസ് രമ്യ ഹരിദാസിനെ ചേലക്കരയില് പരിഗണിച്ചേക്കുമെന്നും റിപ്പോര്ട്ടുകളുണ്ട്.
![](https://www.thecrimeonline.com/wp-content/uploads/2021/08/crime-top-logo-1-1.png)